«Բիշքեկում տեղի ունեցող հանդիպմանը առանձնապես տեղաշարժեր պետք չի սպասել»․ Վահան Բաբայան

Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է․ «Երկու քայլ դեպի Արևմուտք, մեկ քայլ դեպի Ռուսաստան
Այսօր Բիշքեկում տեղի ունեցող հանդիպմանը առանձնապես տեղաշարժեր պետք չի սպասել: Որևէ կտրուկ բան մինչև տարեվերջ չի կարող լինել, քանի որ ՌԴ-ի համար առաջիկա ամիսները լինելու են գերկարևոր ու նման դասավորվածության պայմաններում դեռ Հայաստանի հետ կապված վերջնական «ապահարզանի» Ռուսաստանը չի գնա:
Հայաստանի իշխանությունը սա շատ լավ հասկանում է և իրենք էլ չեն գնա կտրուկ քայլերի, դեռ ժամանակ կա և քննարկումները կշարունակվեն կապված ԵՄ և ԵԱՏՄ հավանական հանրաքվեի ու նման հարցերի հետ: Հայաստանը մեծ լոնքերով փորձում է գնալ դեպի Արևմուտք, բայց միևնույնն է՝ մի փոքր քայլ էլ ամեն դեպքում քցում է դեռևս դեպի Ռուսաստան»: