«ԱԺ նախագահ ընտրվելու դեպքում՝ չեմ լինելու հայ-թուրքական հարցերով բանագնացը»․ Ռուբեն Ռուբինյան

«Տեսել եմ՝ տարբեր լրագրողներ, խմբագիրներ հիմարություններ են խոսում, որ ահա, քանի որ Ռուբեն Ռուբինյանը Թուրքիայի հետ բանակցողն է, իրեն ընտրել են ԱԺ նախագահի թեկնածու՝ որպես ժեստ Թուրքիային»,- ճեպազրույցի ժամանակ ասաց ԱԺ փոխխոսնակ Ռուբեն Ռուբինյանը։ «Ուզում եմ ձեզ տեղեկացնել, որ, քանի որ ԱԺ նախագահի թեկնածու եմ ընտրվել, նախագահ ընտրվելու դեպքում ակնհայտորեն ես չեմ շարունակելու Թուրքիայի հետ բանակցություններում Հայաստանի հատուկ ներկայացուցիչ լինել։ Դա նաև անհարգալից վերաբերմունք է ՀՀ ժողովրդի նկատմամբ, որովհետև ՀՀ-ում բոլոր պաշտոնները՝ միջնորդավորված, բայց ընտրվում են ժողովրդի կողմից»,- շարունակեց Ռուբինյանը։