«Երբ իշխանությունը կորցնում է իր հանրային լեգիտիմությունը, նրա մոտ առաջանում է վախ»․ Երվանդ Բոզոյան

«Բոլորիս էլ սպասում ենք այս վիճակին, որովհետև ընդհանուր առմամբ երկիրն է այս վիճակի մեջ հայտնվել, սա մենակ անձի խնդիրը չէ»,- Քննչական բաժնից դուրս գալուց հետո լրագրողների հետ զրույցում ասաց քաղաքագետ, «Մայր Հայաստան»-ի վարչության անդամ Երվանդ Բոզոյանը՝ անդադառնալով իր բնակարանի խուզարկությանը և հարցաքաննությանը։ «Երբ իշխանությունը կորցնում է իր հանրային լեգիտիմությունը, նրա մոտ առաջանում է վախ՝ հանրության նկատմամբ, և այն չեզոքացնելու համար փորձում են վախի մթնոլորտ ստեղծել հանրության մեջ, որպեսզի հետ պահեն հետագա քաղաքական գործընթացներից։ Դա բնորոշ է բռնապետական բոլոր ռեժիմներին, երբ իրենք փորձում են կայանալ։ Այլ խնդիր է, որ մեր հասարակությունը պետք է գիտակցի, որ եթե սա չկանխվի, տխուր հետևանքներ կարող է ունենալ»,- շարունակեց քաղաքագետը։

Հիշեցնենք, որ այսօր առավոտյան խուզարկել էին նրա բնակարանը, առգրավել հեռախոսը։ Իսկ թե քրեական ինչ վարույթի շրջանակներում է հարցաքննվել, Երվանդ Բոզոյանը պատասխանեց․ «Ձեզ բոլորին հայտնի քրեական վարույթի»։