«Հայոց նորօրյա պատմության սև էջն եք գրել»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «ԱԺ հեռացող նախագահ Ալեն Սիմոնյանն ամբիոնից հայտարարել է, որ միասին պատմություն են կերտել, ինքը հպարտ է, որ միասին աշխատել են, ծանր բաների միջով միասին են անցել ու կյանքում իրար վրա որևիցե ձևով կասկած չեն ունեցել։
Ալեն Սիմոնյա՛ն, դուք միասին հայոց նորօրյա պատմության սև էջն եք գրել, հողատվության, հայ ժողովրդի պատմության և հայ ինքնության ուրացման տարեգրությունը։ Դեռ պաշտոնի աթոռից չես պոկվել, դեռ տաք ես, չես առերեսվել ճշմարտությանը և հանրությանը, առաջիկայում կառերեսվես։ Կյանքում իրար վրա որևիցե ձևով կասկած չունենալու մասին էլ ավելացնեմ, որ քո գլխին սարքելը, խորհրդարանի նախագահի պաշտոնից քեզ ֆուկ անելը, հակառակի մասին է փաստում»։