«Ավտորիտար ռեժիմներում աթոռները հաճախ են ծառս լինում, իսկ դրա սանձահարման համար գլուխներ են զոհաբերվում»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Լրագրողը այնքան էլ միամիտ հարց չի տալիս։ 2 տարի առաջ սկանդալային միջադեպ արձանագրվեց և ձերբակալվեց ԱԺ նախագահ Ալեն Սիմոնյանի հարսը։ Դավադրապաշտները համացանցի մութ անկյուններում շշնջում էին, որ արտաքին ուժերը ուզում էին Ալենով փոխարինել նիկոլին և վերջինս, տեղեկանալով այդ մասին, դեղին քարտ ցույց տվեց՝ կես քայլ հետ կանգնածին կամ մի քայլ առաջ ընկածին։
Ըստ այդմ՝ Էկոնոմիկայի նախարարության փոխնախարարի դեմ հարուցված քրեական գործի շրջանակներում ձերբակալվում է նաև Ալեն Սիմոնյանի հարզատ եղբոր կինը։ Ընդունեք ծայրահեղ քայլ էր ՀՀ թիվ 2 պաշտոնյայի նկատմամբ։
Աղմուկը մեծ էր և այն հանդարտացնելուն միտված հետևում է ՆՓ-ի և Ալենի զբոսանքը Հյուսիսային պողոտայի ճեմուղով։
Իսկ ինչո՞ւ «հյուսիսային»։ Եվ ո՞վ էր ՆՓ-ին հուշել, որ իրեն ուզում են փոխարինել «յուրայինով» կարելի է միայն ենթադրել և դատել ՔՊ-ական թիմի ներդասավորման քաղաքական ներկա կոնֆիգուրացիայից։
Հ.Գ. ՆՓ-ն չի շրջվում, նա պտտվում է 360 աստիճանով օրը 24 ժամ՝ անգամ քնած վիճակում, որովհետև ավտորիտար ռեժիմներում աթոռները հաճախ են ծառս լինում, իսկ դրա սանձահարման համար միշտ գլուխներ են զոհաբերվում»։