«Ինձ ՊԵԿ-ում ուղիղ ասել են՝ դու յուրային չես, պետք է դիմում գրես, հեռանաս»․ Հայկ Ֆարմանյան

«Ես եղել եմ պրոֆեսիոնալ ծառայող։ Ինձ ընդունել են աշխատանքի՝ իմ մասնագիտական գիտելիքների հիմքով և ապօրինի ազատվել եմ: Եթե դուք հիմա ուսումնասիրեք ՊԵԿ-ի կառուցվածքը, ապա կտեսնեք, որ միայն արևմտյան մաքսատուն վարչությունում է՝ երկու՝ իրար հետ կապ չունեցող բաժին միավորվել՝ միայն այն բանի համար, որ ինձ կարողանան ազատել աշխատանքից․․․ Ինձ ուղիղ ասվել է, որ պետք է դիմում գրեմ ու հեռանամ աշխատանքից, պատճա՞ռը, որովհետև դու յուրային չես․ սա եղել ա ձեր իշխանության օրոք՝ 2019-ին»,- հարցեր տալու փուլում պատասխանելով ՔՊ-ական պատգամավոր Սիսակ Գաբրելյանին հարցին, ասել է ընդդիմադիր պատգամավոր Հայկ Ֆարմանյանը։

Արդեն հայտնել էինք, որ «Ուժեղ Հայաստան»-ը Ֆինանսավարկային ու բյուջետային հարցերի մշտական հանձնաժողովի նախագահի թեկնածու է առաջադրել Հայկ Ֆարմանյանին։