«Թե՛ Զելենսկին, թե՛ Փաշինյանը հայտնվել են աշխարհաքաղաքական ծուղակում»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Նիկոլ Փաշինյանն այսօր հեռախոսազրույց է ունեցել Ուկրաինայի նախագահ Զելենսկու հետ։ Հայաստանում, ու նաեւ իհարկե որոշակի միջազգային մակարդակում այս շփումները արժանանում են շատ մեծ ուշադրության։ Եվ, թերեւս, անհամեմատ ավելի մեծ, քան դրանք ներկայացնում են իրենցից իրականում։ Նկատի ունեմ շփումները։ Առանց չափազանցության, այդ շփումները հնարավոր է համարել «եղբայրական»։ Իհարկե հասկանալի է, որ այդ բնորոշումս պատկերավոր է։ Խոսքն այն մասին է, որ թե՛ Զելենսկին, թե՛ Փաշինյանը հայտնվել են աշխարհաքաղաքական ծուղակում, եւ նրանց շանսը այն տուրբուլենտությունն է, որ շարունակվում է մակրոքաղաքական մակարդակում։

Եվ այստեղ իհարկե նրանք երկուստեք ունեն մի շատ ծանր խնդիր։ Աշխարհաքաղաքական տուրբուլենտությունը մի կողմից նրանց թույլ է տալիս մնալ ջրի երեսին, այսինքն պահպանել իշխանություն, բայց մյուս կողմից՝ որքան երկար են նրանք մնում իշխանության, այնքան ծանրանում է դրանից հեռանալու հնարավոր գինը։

Իսկ նրանք շատ լավ պատկերացնում են, որ իշխանությունից հեռանալն այլեւս իրենց համար ժամանակային առումով ավելի մոտ է, քան իշխանության գալը»։