Moderna-ի բաժնետոմսերն աճել են 120%-ով՝ մելանոմայի դեմ պատվաստանյութի հաջող կիրառումից հետո

Ըստ առևտրային տվյալների՝ Moderna դեղագործական ընկերության բաժնետոմսերի գինը բարձրացել է 120%-ով, երբ ընկերությունը հայտնել է մելանոմայի բուժման փորձարկման դրական արդյունքների մասին։
Երևանի ժամանակով ժամը 17:57-ի դրությամբ Moderna-ի բաժնետոմսերի գինը բարձրացել է 120.13%-ով՝ հասնելով մեկ բաժնետոմսի համար 138.59 դոլարի։
Չորեքշաբթի օրը Moderna-ն հայտարարեց Merck-ի հետ համատեղ մշակված իր դեղամիջոցի փորձարկման նախնական դրական արդյունքների մասին՝ մելանոմայի 2-4-րդ փուլերով հիվանդների մոտ։ Փորձարկումը հասել է երկու նպատակի՝ ռեցիդիվից զերծ գոյատևում և հեռավոր մետաստազներից զերծ գոյատևում։ Ընկերությունը նաև հավելել է, որ սրանք անհատականացված նեոհակագենային թերապիայի և mRNA-ի վրա հիմնված քաղցկեղի թերապիայի 3-րդ փուլի փորձարկման առաջին դրական արդյունքներն են։
Moderna-ն հիմնադրվել է 2010 թվականին և գլխավոր գրասենյակը գտնվում է Քեմբրիջում, Մասաչուսեթս։ Ընկերությունը հիմնականում մշակում է mRNA-ի վրա հիմնված դեղամիջոցներ։ 2020 թվականին Moderna-ն մշակել է կորոնավիրուսի դեմ պատվաստանյութ։