Ուրբաթ, 28 օգոստոսի, 2026 թ.
|
Ստեփանակերտում`   +25 °C

Կաթողիկոսի և վեց եպիսկոպոսների գործը դատավորն «ուղարկեց» Երևան

Կաթողիկոսի և վեց եպիսկոպոսների գործը դատավորն «ուղարկեց» Երևան
45
Այսօր, 18:30

Դատավոր Սերժ Ռուշանյանը որոշում կայացրեց Ամենայն Հայոց կաթողիկոսի և 6 եպիսկոպոսների վերաբերյալ գործը փոխանցել Երևան քաղաքի ընդհանուր իրավասության Առաջին ատյանի քրեական դատարան՝ տարածքային ընդդատության կանոնների պահպանմամբ։

Դատավորն իր որոշումը հիմնավորել է նրանով, որ Ամենայն Հայոց Կաթողիկոսին վերագրվող արարքի մեղադրական ձևակերպումներում հստակեցված չէ հանցագործության կատարման վայրը։ Դատավորը նշել է, որ Կաթողիկոսի մեղադրանքում տեղ գտած այս բացթողումը հարցեր է առաջացնում։ Մեղադրանքի կողմը պետք է պարզաբանի՝ արդյոք դա վրիպակ է, թե չպարզված հանգամանք։

«Եթե վեճ բարձրացվի՝ չեմ պատրաստվում անաշխատունակության վիճակում գտնվել, չեմ պատրաստվում արձակուրդ վերցնել, չեմ պատրաստվում խուսափել այս գործի քննությունից։ Եթե վեճի արդյունքում կորոշվի, որ այս գործն ինձ է վերադառնում՝ կհանդիպենք հաջորդ դատական նիստին»,- ասաց դատավոր Ռուշանյանը։

Կաթողիկոսի և վեց եպիսկոպոսների գործը դատավորն ուղարկեց Երևան