«ՀՀ-ն Իրանի հետ կարող է հզոր պատնեշ դառնալ իսլամական դաշինքի ձևավորման ճանապարհին»․ Արա Պապյան

Դիվանագետ, ԱԺԲ անդամ Արա Պապյանի ֆեյսբուքյան գրառումը. «Արևմուտքն անհանգստացած է իսլամական աշխարհում ձևավորվող Թուրքիա–Պակիստան–Սաուդյան Արաբիա ռազմաքաղաքական առանցքով։ Դրան միանալու տրամադրություններ են ի հայտ գալիս նաև այլ երկրներում, մասնավորապես՝ Եգիպտոսում։ Հետևաբար, Արևմուտքն իսկապես մտահոգվելու լուրջ հիմքեր ունի։
Այս վտանգավոր միտման խորացումը կանխելու համար Արևմուտքը պետք է դուրս գա թմբիրից և անցնի վճռական գործողությունների։ Բավական է նայել քարտեզին՝ հասկանալու համար, որ ձևավորվող «Իսլամական ՆԱՏՕ-ն» աշխարհագրորեն մասնատելու և միասնական ռազմաքաղաքական տարածքի ստեղծումը կանխելու համար անհրաժեշտ է երկու առանցքային զարգացում։ Առաջինը՝ Իրանում իշխանափոխություն և աշխարհիկ կառավարման հաստատում։ Երկրորդը՝ Վիլսոնի իրավարար վճռի իրականացում և Հայաստանի օրինական տարածքային իրավունքների վերականգնում։
Այդ դեպքում Հայաստանը, Իրանի հետ միասին, կարող է աշխարհագրական և ռազմավարական հզոր պատնեշ դառնալ միասնական սուննի իսլամական ռազմաքաղաքական դաշինքի ձևավորման ճանապարհին»։