Ուրբաթ, 13 նոյեմբերի, 2026 թ.
|
Ստեփանակերտում`   +8 °C

«Աշխատանքային կենսաթոշակի նշանակման որոշումներն այսուհետ կուղարկվեն SMS-ով»․ ՄՍԾ

«Աշխատանքային կենսաթոշակի նշանակման որոշումներն այսուհետ կուղարկվեն SMS-ով»․ ՄՍԾ
121
Չորեքշաբթի, 30 սեպտեմբերի, 2026 թ., 22:24

Միասնական սոցիալական ծառայությունից հայտնում են․ «Աշխատանքային կենսաթոշակի նշանակման նպատակով Ձեր կողմից ներկայացված դիմումների հիման վրա կայացված որոշումները այսուհետ կուղարկվեն ինքնաշխատ եղանակով՝ դիմումում նշված հեռախոսահամարին SMS հաղորդագրության միջոցով։
Որոշմանը ծանոթանալու համար անհրաժեշտ է անցնել SMS հաղորդագրության մեջ նշված հղումով և բացել ծանուցագիրը։

Ծանուցագիրը պարունակում է տեղեկատվություն՝
• կենսաթոշակի նշանակման ժամկետի և չափի,
• հաշվարկված աշխատանքային ստաժի,
• կամ կենսաթոշակ նշանակելը մերժելու պատճառների վերաբերյալ։

Լրացուցիչ հարցերի դեպքում կարող եք զանգահարել 114 հեռախոսահամարով, գրավոր դիմել [email protected] էլեկտրոնային փոստի հասցեին կամ այցելել Միասնական սոցիալական ծառայության ցանկացած տարածքային կենտրոն։