«Երևանի քաղաքապետարանի «նորացված» տրանսպորտի վարորդները թքած ունեն օրենքի վրա»․ Կարեն Հեքիմյան

Հասարակական գործիչ Կարեն Հեքիմյանը ֆեյսբուքյան իր էջում գրել է․ «Երևանի տրանսպորտը բեսպրեդելի մեջ է:
Ծանրաբեռնված խաչմերուկ մուտք գործելն արգելված է: Այլ կերպ ասած՝ վարորդը չպետք է մտնի խաչմերուկ, եթե առջևում կա խցանում և հնարավոր չի լինի անարգել ազատել խաչմերուկը:
Երևանի քաղաքապետարանի «նորացված» տրանսպորտի վարորդները թքած ունեն օրենքի վրա: Վերջիններս բեսպրեդելի ջատագովներ են:
Նկարում՝ Գարեգին Նժդեհ-Մանթաշյան փողոցների խաչմերուկն է: Երևանի տրանսպորտի բեսպրեդելի արդյունքում, այն անհնար է անցնել: Ի դեպ, խաչմերուկում առկա են տեսախցիկներ, իսկ մոտակայքում հերթապահում են ՀՀ ներքին գործերի նախարարությունում որպես ոստիկան աշխատող անձինք: Սակայն տեսախցիկներն ու ոստիկանները բեսպրեդելը կանխելու համար չեն: Վերջիններս բացառապես «հարիֆներին» տուգանելու գործառույթ են կատարում»: