«Հորմուզի նեղուցում երեք լցանավ է պայթել ականների վրա»․ ԻՀՊԿ

Հորմուզի նեղուցում ականների վրա երեք լցանավ է պայթել՝ չնայած նեղուցն ականներից մաքրելու մասին ԱՄՆ-ի հայտարարություններին: Այդ մասին հայտնում է Իրանի Իսլամական հեղափոխության պահապանների կորպուսը (ԻՀՊԿ):

«Անցած մեկ օրվա ընթացքում Հորմուզի նեղուցի հարավային՝ Իրանի կողմից արգելված երթուղով անցնելիս երեք լցանավեր, որոնք խախտել էին սահմանված կարգը, պայթել են ականների վրա և բռնկվել», — ասվում է Իսլամական հեղափոխության պահապանների կորպուսի մամուլի ծառայության հրապարակած հաղորդագրության մեջ։

Իրանի զինվորականները նշել են, որ բոլոր լցանավերն անջատել են ռադիոլոկացիոն և նավիգացիոն համակարգերը և անտեսել Իսլամական հեղափոխության պահապանների կորպուսի ռազմածովային ուժերի նախազգուշացումները։

Ավելի վաղ ԱՄՆ զինված ուժերի Կենտրոնական հրամանատարությունը հայտարարել էր, որ ԱՄՆ-ն ականներից մաքրել է Հորմուզի նեղուցում նավագնացության հիմնական երթուղիները, և այդ ջրային տարածքով արդեն հազարավոր նավեր են անցել։