«Եթե երթևեկությունը շատ արագ չկարգավորվի, մի քանի ամսից քաղաքում երթևեկությունը կանգնելու է»․ Գեղամ Նազարյան

ԱԺ նախկին պատգամավոր Գեղամ Նազարյանի ֆեյսբուքյան գրառումը․ «Եթե շատ արագ Երևանում երթևեկությունը չկարգավորվի, ապա մի քանի ամիս, և ոչ թե տարի հետո քաղաքում երթևեկությունը կանգնելու է։
Ինչ պետք է արվի առաջին հերթին.
1. Սկսելով քաղաքի կենտրոնից դպրոց պետք է գնան կամ ոտքով կամ հատուկ դպրոցական ավտոբուսներով։ Կանգառները դպրոցների մոտ պետք է արգելվի։
2. Ուսանողները դասի իրենց ավտոմեքենաներով չպետք է գնան։ Կանգառները բարձրագույն ուսումնական հաստատությունների մոտ պետք է արգելվի։
3. Երևանի կենտրոն ավտոմեքենայում համար պետք է սահմանվի վարձավճար՝ տարեկան 15 միլիոն, ամսական 1.5 միլիոն։
4. Պետք է հնարավորին չափ ավտոկայանատեղիներ՝ պառկովկաներ կառուցվեն։
5. Ժամը 10.30 ից մինչև 17.00 Երևանում ավտոմեքենա վարելու համար պետք է լրացուցիչ վարձավճար սահմանվի, օրինակ տարեկան 1,5 միլիոն։
6. Պարեկները պետք է կարողանան հաշված վայրկյանների ընթացքում պարզել, թե որոնք են տաքսի մեքենաները։
7. Հնարավորին չափ ավելացնել մետրոյի կայարանները փորձելով անցկացնել վերգետնյա ռելսեր։ Մետրոյի կայարանների կառուցումը և գծերի անցկացումը դնել նրանց վրա ովքեր ավերեցին տրամվայի և գնացքի գծերը»։