«Պիտի ջոկատ ստեղծենք, մեր տղերքը գնան կռվե՞ն Դոնբասում, ինչի՞ համար»․ Ալեն Սիմոնյան

«Մենք ունենք մեր երկրի շահերը։ Հասկանում ենք՝ ռուս-ուկրաինական պատերազմ, հասկանում ենք՝ մենք փորք երկիր ենք․ միշտ տենց ա լինում՝ մեծ տերությունները փոքրերին քաղաքական բանավեճի ու առևտրի առարկա են սարքում, ցավալի է, իրականությունը դա է։ Բայց ո՞վ ասաց, որ մենք իրավունք չունենք մեր գոյությունը պահպանենք, ով ասաց՝ մենք մեզ պետք ա չփրկենք»,- «Համաշխարհային հայկական գագաթնաժողով 2026»-ի շրջանակում անցկացված «Խաղաղություն և անվտանգություն․ տարածաշրջանային փոխակերպվող իրողությունները» խորագրով քննարկման ժամանակ ասել է ՀՀ ԱԽ քարտուղար Ալեն Սիմոնյանը։ «Ինչի՞ ես պետք ա տանեմ ՀՀ-ն, ներողություն, դնեմ ՌԴ-Ուկրաինա պատերազմի զոհասեղանին։ Ես համաձայն չեմ դրան ու կարծում եմ՝ ստեղ մարդ չկա, ով համաձայն ա, որ պետք է գնանք ու ինքնահրկիզվենք, որովհետև նրանք պատերազմում են»,- հավելել է նա։