«Արդարադատության նախարարությունը պատրա՞ստ է պատասխանատվություն կրել այս իրավիճակի համար»․ հարց՝ Սրբուհի Գալյանին

«Ստեփանավանի համայնքապետի թեկնածու Արսեն Գևորգյանն է մահացել ՔԿՀ-ում: Եթե պարզվի, որ բժշկական պատշաճ քննություն չի ցուցաբերվել, ո՞վ է պատասխանատվություն կրելու, և արդյոք Արդարադատության նախարարությունը պատրա՞ստ է պատասխանատվություն կրել այս իրավիճակի համար»,- ճեպազրույցի ժամանակ լրագրողը դիմեց Սրբուհի Գալյանին։

«Ցավոք նման դեպքեր տեղի են ունենում ինչպես ամբողջ աշխարհում, այնպես էլ ՔԿՀ-ներում։ Այս դեպքի հետ կապված նշեմ, որ արձանագրվել է սրտի կանգ. հիմնարկում գտնվելու ընթացքում առողջական խնդրի մասին ընդհանրապես չի բարձրաձայնվել, ինքնազգացողության վատացում անձը չի ունեցել, առավոտյան բողոքել է ինքնազգացողությունից, ժամը 07:55-ի շրջանում բուժակն այցելել և զննություն է կատարել, կարճ չանցած՝ շտապօգնություն է կանչվել, որից հետո արձանագրվել է սրտի կանգ»,- ասել է Արդարադատության նախարարը։