«ՀՀԿ-ն հասկանում է, որ սա իր վերջին ֆրոնտն է». Նարեկ Սարգսյան

Ջութակահար Նարեկ Սարգսյանը ֆեյսբուքյան իր էջում գրել է.

«Դատելով վերջին քայլերից, ՀՀԿ-ն ոչ միայն չի պատրաստվում հեշտ զիջել ազգային ժողովը, այլև պատրաստվում է վճռական պայքարի, քանի որ հասկանում է, որ սա իր վերջին ֆրոնտն է: ժողովրդական կառավարությունն այս պայքարում չունի ոչ մի դաշնակից՝ ժողովրդից բացի: Ոʹչ ԲՀԿ-ն, ոʹչ էլ առավել ևս ՀՅԴն կամ «Լույսը» Փաշինյանի կառավարության վերջնական հաղթանակը չեն ցանկանում, ինչքան էլ հայտարարեն, թե համաձայն են արտահերթ ընտրություններին:
Ուստի ինչպես հեղափոխության առաջին օրը, այնպես էլ հիմա, քաղաքացիներիս սուրբ պարտքն է անվերապահ աջակցել Փաշինյանի կառավարությանն այս կարևորագույն քայլն ավարտին հասցնելու և լիարժեք նոր Հայաստանի մեկնարկը տալու համար: Մենք պիտի զինվորի նման պատրաստ լինենք ցանկացած պահի նորից փողոց դուրս գալ և կառավարությանն աջակցել բոլոր այն միջոցներով, որի կարիքը նա կունենա»: