Նյու-Մեդ ուրոլոգիայի կենտրոնը քաղաքացիների բուժման մասին բժշկական գաղտնիք հանդիսացող տեղեկությունները տրամադրել է երրորդ անձանց
2905 Չորեքշաբթի, 20 մարտի, 2019 թ., 10:45 MAMUL.am լրատվական գործակալությունը վերջին ամիսներին մի քանի նյութ է հրապարակել Աբովյան 54 հասցեում գործող Նյու-Մեդ ուրոլոգիական կենտրոնի մասին: Դրանցում ներկայացվել են մի շարք դեպքեր. թվաբանական սխալ հաշվարկներով կատարված ախտորոշումներ, համաձայն այդ ախտորոշումների՝ բուժման նշանակում և այլն: Խմբագրությանը դիմած քաղաքացիներից ոմանք ներկայացրել են մանրամասներ, թե ինչպես բժշկական կենտրոնում իրենց պարտադրվել է անցնել հավելյալ հետազոտում, կատարվել են սխալ ախտորոշումներ: Քաղաքացիներից ոմանք իրենց համարել են բժշկական այդ կենտրոնի «զոհը»: Վերոնշյալ հոդվածների հրապարակումից հետո ՀՀ Առողջապահության նախարարությունը և Գլխավոր դատախազությունը ուսումնասիրություններ են սկսել տվյալ կենտրոնում:
Հատկանշական է, որ Նյու-մեդ ուրոլոգիայի կենտրոնի հետ կապվող սկանդալային միջադեպերը նոր դրսևորումներ են ստանում:
Այսպես. MAMUL.am լրատվական գործակալության խմբագրության ձեռքի տակ են հայտնվել փաստեր, համաձայն որոնց Նյու-Մեդ ուրոլոգիայի կենտրոնը երրորդ անձին(անձանց) է տրամադրել տեղեկություններ իր հետ համագործակցող ընկերության աշխատակիցների՝ պրոֆիլակտիկ հետազոտությունների, ախտորոշումների, բուժման վերաբերյալ տեղեկություններ, ինչպես նաև տեղեկատվություն այն մասին, թե աշխատակիցներից ով որ բժշկի մոտ է անցել բուժում, ինչ ընթացք է ունեցել բուժումը և այլ մանրամասներ (ընկերության անունը չի կարող հրապարակվել): Ըստ առկա փաստաթղթերի՝ տեղեկությունները տրամադրել է բժշկական կենտրոնի տնօրինությունը (հնարավոր է նաև որոշ բժիշկներ)՝ խախտելով «Բնակչության բժշկական օգնության և սպասարկման մասին» օրենքի 19-րդ հոդվածի(Ե)՝ «ապահովել բժշկի օգնությանը դիմելու փաստի, նրա առողջական վիճակի մասին հետազոտման, ախտորոշման և բուժման ընթացքում պարզված տեղեկությունների գաղտնիությունը» և 19.3-րդ hոդվածի(7)՝ «պահպանել բժշկական գաղտնիքը» կետերը: Նշենք, որ վերոնշյալ խախտումները քրեորեն պատժելի է, իսկ «Բժշկական գաղտնիք հանդիսացող տեղեկությունները» կարող է տրամադրվել միայն դատարանի (դատավորի), դատախազության, նախաքննության, հետաքննության, ինչպես նաև այլ իրավասու մարմինների պահանջով՝ օրենքով նախատեսված դեպքերում և կարգով:
Հարցի վերաբերյալ պարզաբանում ստանալու համար խմբագրությունը գրավոր հարցում է ուղարկել կենտրոնի սեփականատեր և գլխավոր բժիշկ Հարություն Միքայելյանին, ով սակայն, կրկին խուսափել է պարզաբանում տրամադրելուց:
Սույն տեղեկատվությունը MAMUL.am լրատվականի խմբագրությունն ուղարկել է ՀՀ Գլխավոր դատախազություն, որտեղից մեզ տեղեկացրել են, որ հարցի վերաբերյալ նախապատրաստվում են նյութեր:
Տեղեկացնում ենք մեր ընթերցողին, որ MAMUL.am-ը հետևելու է գործի ընթացքին և առաջիկայում կտրվի հավելյալ տեղեկատվություն:
ՈՒՇԱԴՐՈՒԹՅՈՒՆ Տեղեկատվություն տրամադրող անձի գաղտնիությունն ապահովված է: |
Հիվանդանոցներում պետպատվերով բուժումները կասեցվել են. «Ժողովուրդ»
58219.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
58818.04.2024, 12:24Հերթն Անահիտ Ավանեսյանինն է. «Ժողովուրդ»
65718.04.2024, 09:06Մանրամասներ՝ երրորդ հարկից ընկած երեխայի առողջական վիճակից
58717.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
42017.04.2024, 09:06«Լրատվականներից եմ տեղեկացել խուզարկության մասին»․ Անահիտ Ավանեսյան (տեսանյութ)
46616.04.2024, 16:063 անձ բերման է ենթարկվել Առողջապահության նախարարության քրգործի շրջանակներում
47216.04.2024, 15:48«Տիմոշա» ՍՊԸ-ի արտադրության հալվաներում հայտնաբերվել է կադմիում
45016.04.2024, 14:30