Հյուբերթ Համֆրի փոխանակման ծրագրի 2020-21 ուստարվա հայտերն արդեն ընդունվում են

665

Հինգշաբթի, 25 ապրիլի, 2019 թ., 10:10

ՀՀ-ում ԱՄՆ դեսպանատան ֆեյսբուքյան էջում հաղորդագրություն է տարածվել․ «Հյուբերթ Համֆրի փոխանակման ծրագրի 2020-21 ուսումնական տարվա հայտերն արդեն ընդունվում են, դիմել կարող են աշխատանքային որոշակի փորձ ունեցող մասնագետները: ԱՄՆ բուհերում մեկ ուսումնական տարի մագիստրոսական ծրագրով (առանց գիտական կոչում շնորհելու) ուսանելուց զատ՝ ծրագիրը նաև օգնում է զարգացնել առաջնորդական ունակությունները և ընձեռում է համապատասխան ոլորտի ամերիկյան գործընկերոջ հետ մասնագիտական համագործակցության բացառիկ հնարավորություն: Հայտերի ընդունման վերջնաժամկետը 2019թ. հունիսի 28-ն է։ Անգլերենի վարժ իմացությունը պարտադիր է»։