Կիրակի, 13 հուլիսի, 2025 թ.
|
Ստեփանակերտում`   +29 °C

«Ստամբուլի կոնվենցիան պաշտոնապես քննարկման առարկա չէ կառավարությունում». Լիլիթ Մակունց

«Ստամբուլի կոնվենցիան պաշտոնապես քննարկման առարկա չէ կառավարությունում». Լիլիթ Մակունց
368
Ուրբաթ, 12 հուլիսի, 2019 թ., 15:40

Օրերս համացանցում ֆլեշմոբ էր տարածվել «Բռնության ձայնը» կարգախոսով, որը որոշ տեսաբանների մոտ կասկած հարուցեց Ստամբուլյան կոնվենցիայի վերաբերյալ:

Այսօր «Իմ քայլը» խմբակցության ասուլիսի ժամանակ խմբակցության ղեկավար Լիլիթ Մակունցը հայտարարեց, որ Ստամբուլի կոնվենցիան շրջանառության մեջ դրված չէ, կառավարությունում պաշտոնապես չի դրվել քննարկման:

«Կոնվենցիայի մասին հրապարակումներ կան, այն հանրային է, սակայն այն շրջանառության մեջ դրված չէ: Եվ չնայած այն հանգամանքին, որ Ազգային ժողովում դեռ պաշտոնապես շրջանառված չէ, մենք ուսումնասիրում ենք»,-ասաց Մակունցը:

Ղեկավարի խոսքով՝ խմբակցությունը նախատեսում է շատ խորքային և մանրամասն քննարկում ծավալել խմբակցության ներսում, որից հետո կունենան նաև ձևավորված դիրքորոշում: