Կառավարությունը նվազեցնում է տնտեսական աճի ակնկալիքները. «168 ժամ»
![]() 1123 Հինգշաբթի, 18 հուլիսի, 2019 թ., 09:40 «Կառավարությունն արտահերթ նիստով հաստատեց 2020-2022թթ. միջնաժամկետ ծախսերի ծրագիրը: Դա արվեց ոչ միայն արտահերթ նիստում, այլև՝ դռնփակ ռեժիմով: Թե ինչո՞ւ միջնաժամկետ ծախսերի ծրագիրն ընդունվեց դռնփակ նիստում, հավանաբար, պետք է գուշակել: Դատելով փաստաթղթում ամրագրված ցուցանիշներից՝ առաջիկա երեք տարիների համար ակնկալիքներն ամենևին էլ այն չեն, ինչին սպասում էր հասարակությունն իշխանափոխությունից հետո: Խոսքն ինչպես տնտեսության մեջ տեղի ունեցող զարգացումների, այնպես էլ սոցիալական ոլորտի սպասելիքների մասին է: Ի տարբերություն վարչապետի հայտարարությունների՝ կառավարության ներկայացրած միջնաժամկետ ծախսերի ծրագիրը ամենևին էլ չի ենթադրում տնտեսության թռիչքաձև զարգացում: Ընդհակառակը՝ աճի ակնկալիքներն առաջիկա տարիներին նույնիսկ նվազեցվել են: Այս տարվա համար կանխատեսվում է համախառն ներքին արդյունքի 5,4 տոկոս աճ: Թվում է, թե թռիչքային աճ խոստացող և տնտեսական հեղափոխություն հայտարարած կառավարությունը հաջորդ տարիներին պիտի շատ ավելի բարձր աճի սպասելիքներ ունենար: Սակայն պարզվում է, որ այդպես չէ: Հաջորդ տարվա համար կառավարության ակնկալիքներն ընդամենը 4,9 տոկոս են: 2021թ. կանխատեսվում է 5, իսկ 2022թ.' 5,1 տոկոս տնտեսական աճ: Երկար ժամանակ պետք չեղավ հասկանալու համար, որ թռիչքային զարգացում ապահովելու հետ կապված կառավարության խոստումները հեռու են իրակասասալուց: Պատահական չէ. որ տնտեսական աճի սպասելիքները նվազեցվել են նույնիսկ նախորդ միջնաժամկետ ծախսերի ծրագրի համեմատ: Պատկերացնելու համար ասենք, որ իշխանափոխությունից անմիջապես հետո հաստատված ծրագրով 2020 թ. կանխատեսվում էր 5,5, իսկ 2021թ. 5,6 տոկոս տնտեսական աճ: Իշխանափոխությունից մեկ տարի հետո կառավարությունը որոշել է այդ ցուցանիշներն իջեցնել 0,5 տոկոսով: Թե ո՞ւր մնաց տնտեսության թռիչքը, որի մասին իշխանափոխությունից հետո հայտարարեց վարչապետը, հայտնի չէ: Այն, ինչ ակնկալում է կառավարությունն առաջիկա երեք տարիների տնտեսական զարգացումների առումով, հեռու է թռիչքային լինելուց: Հավանաբար դա է պատճառը, որ վերջին շրջանում Նիկոլ Փաշինյանը դադարել է խոսել թռիչքի մասին: Թեև ի սկզբանե էլ պարզ էր, որ այդպիսի հեռանկարներ չկան: Առավել ևս այն իրավիճակում, որը հաստատվել է Հայաստանում իշխանափոխությունից հետո: Այս կառավարությունը մինչև այժմ չունի տնտեսության զարգացման հստակ հայեցակարգ: Ու դեռ պարզ չէ, թե ո՞ւր է գնում տնտեսությունը: Իշխանափոխությունից նույնիսկ մեկ տարի հետո շատ բան մնում է հայտարարությունների մակարդակում: Այդ հայտարարությունները ոչ միայն հիմնավորված չեն, այլև չունեն ծրագրային ապահովում: Ինքնահոսով տնտեսություն չեն զարգացնում, ինչպես ուզում է անել ներկայիս կառավարությունը: Հայաստանի տնտեսության զարգացումների նկատմամբ մեծ չէ նաև միջազգային փորձագետների վստահությունը: Միջազգային արժութային հիմնադրամի սպասելիքը 2020թ. 4.5 տոկոս է: Նույնպիսի կանխատեսում են ներկայացնել նաև միջազգային երկու հայտնի վարկանշային ընկերությունները՝ «Մուդիսը» և «Ֆիթչը»»,-գրում է թերթը: Առավել մանրամասն՝ թերթի այսօրվա համարում: |
Մեքսիկան հույս ունի համաձայնության հասնել ԱՄՆ-ի հետ՝ մաքսատուրքերի հարցում
30800:52«ԵՀ-ն կարագացնի ԱՄՆ մաքսատուրքերի դեմ պատասխան միջոցների նախապատրաստումը». Մակրոն
272Երեկ, 22:22Ուկրաինան և Ադրբեջանը քննարկել են էներգետիկ ոլորտում համագործակցությունը
411Երեկ, 21:52Օգոստոսի 1-ից ԵՄ-ից և Մեքսիկայից ԱՄՆ ներմուծվող ապրանքների վրա 30% մաքսատուրք կսահմանվի
327Երեկ, 21:20«Հարցեր կան, որոնք բարդ է լուծելը, դրանք դրսի հետ էլ են կապված, ներսի հետ էլ»․ Գևորգ Պապոյան (տեսանյութ)
377Երեկ, 00:00«Հայաստանի տնտեսական ակտիվության աճը կտրուկ դանդաղել է»․ Վահե Դավթյան
28111.07.2025, 22:54«7 կազմակերպության է թույլատրվել ՀՀ-ից ծաղիկներ արտահանել ՌԴ»․ Ռոսսելխոզնադզոր
68111.07.2025, 16:26«Դժվար է լինելու զավթել ՀԷՑ-ը»․ «ՀայաՔվե»
27111.07.2025, 14:30