«Սա ամենակոպիտ միջամտությունը կլինի գործադիրի կողմից դատական գործընթացին». Հայկ Ալումյան
333 Չորեքշաբթի, 14 օգոստոսի, 2019 թ., 13:10 «Ամեն ինչից երևում է, որ այդ օրենսդրական նախագիծն ուղղակիորեն նպատակ է հետապնդում Քոչարյանի գործի հետ կապված ՍԴ-ում ստեղծել այնպիսի իրավիճակ, որ պարոն Քոչարյանի գործով ՍԴ-ն արդարադատություն չիրականացնի». օգոստոսի 14-ին լրագրողների հետ հանդիպմանն ասաց ՀՀ նախկին նախագահ Ռոբերտ Քոչարյանի պաշտպան Հայկ Ալումյանը՝ գնահատելով արդարադատության նախարարության ներկայացրած այն օրենսդրական նախագիծը, որը վերաբերում է «ՍԴ մասին» և «Դատական օրենսգիրք» սահմանադրական օրենքներում փոփոխություններ կատարելուն, և որը մեծ աղմուկ է առաջացրել: Նա կրկին հիշեցրեց Գագիկ Ջհանգիրյանի այն հայտարարությունը, թե ՍԴ-ն Ռոբերտ Քոչարյանի գործը չի քննի, կամ՝ եթե քննի, կքննի ոչ ներկայիս կազմով: Փաստաբանի կարծիքով՝ նախագիծը կյանքի կոչվելու դեպքում ցանկացած քննիչ կարող է ՍԴ դատավորի հանդեպ մեղադրական վճիռ կայացնել, և դատավորի գործունեությունը կասեցվի: «Սա ամենակոպիտ միջամտությունը կլինի իշխանության գործադիր թևից դատական գործընթացին: Մենք ուզում ենք հասարակությանն զգուշացնել այսպիսի զարգացումների ծայրահեղ վտանգավոր լինելու մասին»,- ասաց նա: Հ. Ալումյանը նկատեց, որ դա նման է նրան, որ ընդդիմադիր պատգամավորից ազատվելու համար նրա՝ մանդատը հանձնելուց հետո շարունակի վարձատրվել: Դա, ըստ պաշտպանի, կլինի ընդդիմադիր ուժից ազատվելու իբրև քաղաքակիրթ ճանապարհ: Ըստ նրա՝ այդ վտանգավոր լծակը վերաբերելու է հասարակության ցանկացած անդամի: Դա փաստաբանի գնահատմամբ՝ իրավական պետության գաղափարից այս աստիճան հեռանալն անդրադառնալու է մեզնից յուրքանչյուրի վրա: Հ. Ալումյանը հիշեցրեց, որ իրենք դեռ հունիսի 27-ին միջնորդություն էին ներկայացրել Ռոբերտ Քոչարյանին կալանքից գրավով ազատելու մասին: Օրենքի համաձայն՝ նման միջնորդությունները քննվում են անմիջապես: Այդ կապակցությամբ դիմել են ՄԻԵԴ: Սա ՄԻԵԴ ներկայացված 7-րդ գանգատն է: Դատարանը գործը չքննելը պատճառաբանում է նրանով, որ Դավիթ Գրիգորյանի լիազորությունները կասեցված են, և գործն էլ այլ դատավորի դեռ մակագրված չէ: Փաստաբանը պնդեց, որ դա եվրոպական կոնվենցիայից չբխող պատճառաբանություն է, և շուտով դրա վերաբերյալ ՄԻԵԴ-ի կարծիքը հանրությունը կլսի: |
«Ուկրաինան զգացել է ամերիկյան օգնության ուշացման հետևանքները»․ Սալիվան
8710:00«Ողջունում ենք Ադրբեջանի և Հայաստանի միջև սահմանազատման գործընթացի մեկնարկը»․ Պետդեպ
6409:48Տարածվել ա, կարդացվել ա՝ բավարար ա, էլի․ «Հրապարակ»
2209:40Գերիների հարցով կակտիվանան. «Հրապարակ»
6109:24Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ» (լուսանկար)
8409:06«ԱՄՆ-ի Քոնգրես է մտցվելու օրինագիծ Ադրբեջանի 41 պաշտոնյաների դեմ». Արա Պապյան (լուսանկար)
10805:18«ԱՄՆ պետդեպն ավելի խորն է մտցրել նիկոլիզմի դեմոկրատիայի մեջ». Արտակ Զաքարյան (լուսանկար)
12603:06«Ալիևն ասել է՝ Հայաստանում լիքը սարեր ունեն, թող դրանցից մեկը դարձնեն իրենց խորհրդանիշ». Հովհաննես Ավետիսյան
13601:24