Վրաստանի խորհրդարանի առաջին նիստն ուղեկցվում է բողոքի ակցիայով

Վրաստանի խորհրդարանի շենքի դիմաց «Ամոթ է» նախաձեռնության ներկայացուցիչները բողոքի ակցիա են անցկացնում:

Ինչպես հայտնում է aliq.ge-ն, ակցիայի մասնակիցները սուլոցներով ու վանկարկումներով բողոքում են Գիորգի Գախարիայի վարչապետի պաշտոնում առաջադրվելու դեմ:

Հիշեցնենք, որ այսօր մեկնարկելու է խորհրդարանի աշնանային նստաշրջանը: Նախատեսվող լիագումար նիստին պետք է ներկայացվի նոր վարչապետը, կառավարության կազմը և ծրագիրը: