Հինգշաբթի, 19 սեպտեմբերի, 2019 թ.
|
Ստեփանակերտում`   +21 °C

Ռոբերտ Քոչարյանն ազա՞տ կարձակվի և ե՞րբ. պարզաբանում է Արամ Վարդևանյանը

Ռոբերտ Քոչարյանն ազա՞տ կարձակվի և ե՞րբ. պարզաբանում է Արամ Վարդևանյանը
350
Չորեքշաբթի, 04 սեպտեմբերի, 2019 թ., 16:25

ՀՀ նախկին նախագահ Ռոբերտ Քոչարյանի պաշտպանական խմբի անդամ Արամ Վարդևանյանը պարզաբանել է, թե իր պաշտպանյալը ՍԴ որոշումից հետո ազա՞տ է արձակվելու, և եթե այո, ե՞րբ:
Ըստ փաստաբանի՝ խափանման միջոցի վերանայումը 2 տեսանկյուն ունի: Առաջինը, դա կարող է լինել քրեակատարողական ծառայության կողմից, երկրորդ տարբերակով՝ վարույթ իրականացնող մարմինի: Այսօրվա դրությամբ դա Երևանի առաջին ատյանի ընդհանուր իրավասության դատարանն է, ի դեմս՝ դատավոր Աննա Դանիբեկյանի:
Ճշգրտող հարցին, թե դատավոր Աննա Դանիբեկյանը խափանման միջոցի հարցը պետք է սեպտեմբերի 12-ի նիստո՞ւմ անդրադառնա, թե՞ ավելի վաղ՝ ՍԴ որոշումն ուժի մեջ մտնելուց անմիջապես հետո, Արամ Վարդևանյանն ասաց, որ ՍԴ որոշումները պարտադիր կատարման ենթակա են հրապարակումից անմիջապես հետո:
«Ցավոք, մեզ մոտ չունենք նման պրակտիկա, որ դատարաններն անհապաղ նիստ գումարեն, բայց այս դեպքում պետք է լինի դատարանի որոշումն ամբողջությամբ հրապարակված, որի պարագայում կարող եմ ամբողջական դիրքորոշում արտահայտել»:

Հստակություն կմտնի 3-օրյա ժամկետում: