«Գազի գնի հնարավոր թանկացման սցենար քննարկվե՞լ է». հարց՝ Մարտին Գալստյանին

«Դիմացը ձմեռ է և Ռուսաստանից, բացի առևտրային սահմանափակումները, գալիս են այլ զգուշացումներ՝ գազի գնի հնարավոր թանկացման հետ կապված։ Նման սցենար քննարկվե՞լ է»,- ասուլիսի ժամանակ լրագրողը դիմել է Հայաստանի Կենտրոնական բանկի նախագահ Մարտին Գալստյանին։
«Նման սցենար քննարկվել է ու դա կարող է երկակի էֆեկտ ունենալ։ Առաջնային էֆեկտը վերաբերում է ընդհանուր գնաճի մակարդակի բարձրացմանը, կարող է իր հետ բերել նաև B տիպի ռիսկ՝ մեր տնտեսության անկման հետ կապված։ Ուստի մենք այդ սցենարը մտքում ունեցել ենք, բայց մեր տեսանկյունից ինքն ավելի ապոկալիպտիկ սցենար է, որին մեր արձագանքը պետք է լինի ավելի ուժգին ու ոչ բնականոնի մեջ։ Մենք շարժվում ենք մեր բնականոն ընթացքով, բայց մտքում ունենալով հնարավոր պրոբլեմների առկայությունը»,- ի պատասխան ասել է ԿԲ նախագահը։