«Պարզ երևում է, որ ռևանշիստական պայքարի զինանոցում ոչինչ չի մնացել, բացի զրպարտությունից». Գևորգ Գալստյան

ՀՀ պետական կառավարման ակադեմիայում Ուսանողական գիտական ընկերության նախագահ, քաղաքագետ Գևորգ Գալստյանը ֆեյսբուքյան իր էջում գրել է. «Կարդացի ՀՀԿ խոսնակի՝ Նիկոլ Փաշինյան-«Սասնա Ծռեր» հանդիպմանն ուղղված արձագանքը: Ինչ խոսք՝ տեքստի բովանդակությունն ավելի քան կանխատեսելի էր: Հեղափոխական ուժերի հնարավոր համագործակցության հեռանկարը, անկասկած, սարսափեցնում է հեղափոխության թշնամիներին, քանի որ Հեղափոխության բարձրակետին ձգտող ուժերի մեկտեղումը կարգելափակի հակահեղափոխության բոլոր ուղիները:
Խոսնակի արձագանքից պարզ երևում է, որ ռևանշիստական պայքարի զինանոցում ոչինչ չի մնացել բացի զրպարտությունից:
Իրականությունն անհնար է կեղծել, մի փոքր էլ, և հակահեղափոխությունը բոլորովին ձեռնունայն կմնա:

Հ.Գ.
Խելազուրկ որակումները, այս պարագայում, միայն կարող են օգտակար լինել սեփական գերեզմանափոսը ավելի խորը փորելու հարցում»: