«Մեղադրյա՛լ Քոչարյան, դու ասել ես՝ ես տղամարդ եմ. դե տղամարդկություն ունեցի, քո խստագույն պատիժը կրի». Սարգիս Քլոյան
 105 Հինգշաբթի, 12 սեպտեմբերի, 2019 թ., 17:00 «Ես որպես 2008-ի ցույցի մասնակից ամեն ինչ իմ աչքով տեսել եմ՝ ավտոմատները, չերյոմուխաները, սնայպերները, բայց էն ժամանակ ասում էին, թե ժողովուրդն է կրակում ոստիկանների վրա»,- դատարանում, դիմելով Ռոբերտ Քոչարյանին, ասաց Մարտի 1-ին զոհված Գոռ Քլոյանի հայր Սարգիս Քլոյանը և շարունակեց. «Հարգելի՛ դատարան, նախկին գլխավոր դատախազ Աղվան Հովսեփյանը բազմիցս ասել է՝ Մարտի 1-ի անունը չտաք: Դա ի՞նչ է նշանակում՝ ծածկադմփոց: ՀՀԿ-ի բազմաթիվ պատգամավորներն ասում էին՝ մեր իշխանության օրոք Մարտի 1-ը չի՛ բացահայտվելու, մոռացե՛ք..ես կարող եմ անուններ նշել: 10 տարի մատը մատին չեք տվել, բա դուք բացահայտեիք գործը, դուք էիք երկրի տերը, ղեկավարը... Մեղադրյա՛լ Քոչարյան, դու ասել ես՝ ես տղամարդ եմ. դե տղամարդկություն ունեցի, քո հասանելիք պատիժը կրի»,- խոսքը եզրափակեց Ս. Քլոյանը՝ դատարանից խնդրելով կալանքի տակ պահել ամբաստանյալ Քոչարյանին: |
