«Հանրության մի ստվար մաս սկսել է աշխարհն ու սեփական պետությունը չափել բլոգների «պատուհաններից»․ Հակոբ Բադալյան

Քաղաքական մեկնաբան Հակոբ Բադալյանի ֆեսբուքյան գրառումը․ «Հայաստանի մի բնակավայրում ամիսներ շարունակ արձանագրվում են զանգվածային թունավորման դեպքեր, վերջերս էլ Ծավ գյուղում ջրի մեջ հայտնաբերվում է սնդիկի պարունակություն։
Հասարակությունը իր համար ապրում է, շարունակում է վայելել զվարթ կյանքը։
Բայց հանկարծ, հեռախոսով շրջող մի բլոգեր պատահաբար տեսնում է, որ բանջարեղենի կրպակներից մեկում կրպակավաճառը «դիխլոֆոս» է փչում մրգերի վրա։ Ու սա արդեն դարձել է «հայկական հարց»։ Քիչ է մնում կոչ անեն վառել վաճառողին։
Հարցն այն չէ, որ նա լավ է անում։
Հարցն այն է, թե ինչպես է հասարակությունը «անզգայանում»՝ ապրելով «բլոգից» «բլոգ»։ Բլոգից բլոգ Հայաստան։ Հանրության մի ստվար մաս սկսել է տեսնել, լսել ու մտածել «բլոգերների» միջոցով, որոնց թե մասնագիտական, թե առհասարակ կենսագրական փորձերն ու կոմպետենցիան մեղմ ասած կասկածելի են։
Սա է Հայաստանի դեմ վարվող իրական հիբրիդային պատերազմը, որի կամա, թե ակամա մասնակից են դառնում «աստղայինով» հիվանդացած այդ «բլոգերները»։
Ես իհարկե բացարձակապես դեմ եմ նրանց բոլորին «ազգի թշնամի» հռչակելուն։ Այստեղ խոսքը մարդկանց մասին չէ, այլ երեւույթի, որի կամա, թե ակամա «ինքնահոսում» են հայտնվում դրանով զբաղվող մարդիկ։ Որովհետեւ, նրանք իհարկե նաեւ անում են շատ օգտակար գործ, բարձրացնում շատ կարեւոր խնդիրներ, փոխանցում սոցիալական պատասխանատվության ասպեկտներ։ Բայց այստեղ է, որ կան շատ նուրբ սահմաններ, չափազանց նուրբ սահմաններ, որոնք չխախտելն էլ պահանջում է թե մարդկային էական կենսափորձ, թե մասնագիտական կոմպետենցիա, թե արժեհամակարգային ողնաշար։
Եվ այն է ցավալի, որ հայկական բլոգոսֆերայում ակնհայտորեն ոչ բոլորն է, մեղմ ասած քչերն է՝ որ օժտված են դրանով։ Եվ սա խնդիր է, որովհետեւ, կրկնեմ, հայկական հանրության մի ստվար մաս սկսել է թե աշխարհը, թե սեփական պետությունը տեսնել ու չափել բլոգների «պատուհաններից»։

«Ինչպիսին այս իշխանություններ են, այդպիսին էլ դարձնում են մեր պետությունն ու ժողովրդին»․ Մարգարիտ Եսայան
3503:06
«Որևէ փաստաթղթի ընդունման պետականամետ կամ հակապետական լինելը որոշվում է տարիների ընթացքում»․ Թաթուլ Հակոբյան
6302:06
«Սի Ծինփինը, Պուտինը և Թրամփը ազդարարել են գլոբալ համաձայնությունների գնալու պատրաստակամության մասին»․ Գարիկ Քեռյան
7301:24
«Առաջիկայում կտեսնեք բաներ, որ երբեք չեք տեսել, մեր պետությունն էլ չի տեսել, և դա նույնիսկ զարմանալի կթվա»․ Նիկոլ Փաշինյան (տեսանյութ)
92Երեկ, 23:36
«Ուզում եք Քինգ Քոնգի նման դոշ ծեծեք, հոխորտաք, իրավապահներ ուղարկեք մեր տները, մեր պատասխանն է՝ ո’չ»․ Աննա Գրիգորյան (տեսանյութ)
93Երեկ, 23:18
«Մենք ձեզ հեռացնելու ենք, բայց առանց ձեզ հետ գործարքի»․ Քրիստինե Վարդանյանը՝ Նիկոլ Փաշինյանին (տեսանյութ)
93Երեկ, 22:54
«Ասացիք՝ առաջարկ կանեք, 5 օր հետո զարթնեցինք, Ալֆա ջոկատի հատուկջոկատայինները մեր տներում էին»․ Նարեկ Կարապետյան (տեսանյութ)
93Երեկ, 22:48
«Տեսնելով այսօրվա նոպաները՝ հարց առաջացավ՝ եթե ինչ-որ մարդու մոտ առերևույթ հոգեկան որոշակի խնդիրներ կան, ո՞ւմ դիմել»․ Լևոն Քոչարյանը՝ Անահիտ Ավանեսյանին (տեսանյութ)
75Երեկ, 22:18