«Հաշմանդամություն ունեցող անձանց թոշակը 10 հազարով բարձրացրել էին, ընտրություններից հետո նրանց ընտանեկան նպաստը կտրել են»․ Ոսկան Սարգսյան

Ոսկան Սարգսյանի ֆեյսբուքյան գրառումը․ «Կառավարության ինտերնետային կայքում զետեղված նախարարությունների անվանումների թվում նշված է՝ Աշխատանքի և բարեկեցության նախարարություն։ Նախկինում այդ նախարարությունը կոչվում էր Աշխատանքի և սոցիալական հարցերի նախարարություն։ Վերջ, ՔՊ-ական իշխանությունը վերջանականապես լուծել է սոցիալական բոլոր հարցերը, Հայաստանը դարձրել բարեկեցիկ։ ԱԺ ընտրությունների շեմին հաշմանդամների թոշակը 10 հազարով բարձրացրել են, սակայն ընտրություններից հետո նրանց ընտանեկան նպաստը կտրել են, հիմա նրանք աղիողորմ լացում են։ Նրանք հունիսի 7-ի ԱԺ ընտրություններում ՔՊ են ընտրել, ու հիմա իրենց արածն իրենց դեմ է ուղղվել։ Հայաստանում բարեկեցիկ դարձել են միայն փողոցից պալատ բերված, բիրդան աղա դառած, Արցախը, ՀՀ ինքնիշխան տարածքները, Կիրանցի հողերը հանձնած, սակայն անցած 8 տարում հսկա պարգևավճարների, բնակարանների, հողերի ու բիզնեսների տեր դարձած, հայ ժողովրդի գլխին 3 պատերազմ բերած «խաղաղասերները»։