«Snob»-ի տնօրեն Մարինա Գևորգյանը հայտնվել է «Ռուսաստանի 1000 լավագույն մենեջերներ»-ի ցանկում

«Snob»-ի հրատարակիչ Մարինա Գևորգյանը հայտնվել է «Ռուսաստանի 1000 լավագույն մենեջերների» ցանկում.
Մենեջերների ասոցիացիան և «Կոմերսանտ» հրատարակչությունը ներկայացրել են «Ռուսաստանի 1000 լավագույն մենեջերների» 27-րդ վարկանիշը։ «Snob» նախագծի հրատարակիչ Մարինա Գևորգյանն ընդգրկվել է ԶԼՄ-ների և ստեղծագործական ոլորտների 250 ավագ ղեկավարների ցանկում։

Վարկանիշում ներառված են Ռուսաստանի լավագույն մենեջերները 19 ֆունկցիոնալ և ավելի քան 20 ոլորտի անվանակարգերում, այդ թվում՝ «Ավագ մենեջերներ», «Առևտրային տնօրեններ», «Ֆինանսական տնօրեններ», «Մարքեթինգի տնօրեններ» և այլն: Քվեարկությանը մասնակցում են ընթացիկ տարվա վարկանիշային թեկնածուները և նախորդ տարիների դափնեկիրները։

Մարինա Գևորգյանը «Snob Media»-ում աշխատում է 2009 թվականից, իսկ գլխավոր տնօրեն դարձել է 2012 թվականի մարտին, 2017 թվականի սեպտեմբերից «Snob» նախագծի սեփականատերն է։ 2012 թվականին նա սահմանել է ամենամյա «Snob» մրցանակը՝ «Արտադրված է Ռուսաստանում», որը շնորհվում է երկրում իրականացված ամենանշանակալի նախագծերի համար։ «Ռուսաստանի 1000 լավագույն մենեջերների» վարկանիշի կրկնակի հաղթող է։