«Տվյալ ինքնաթիռը ՀՀ սեփականությունն է, այլ ոչ` կոնկրետ անձի». Արմեն Փամբուխչյան

ԱԺ «Իմ քայլը» խմբակցության պատգամավոր Արմեն Փամբուխչյանը սոցկայքի իր էջում գրել է. «2007-ին ՀՀ նախագահին սպասարկող ՏՈւ-134 (1977-ի արտադրության) ինքնաթիռը փոխարինվեց Էյրբաս 319-ով (1998-ի արտադրության):

Այդ ժամանակ ֆեյսբուքում գրանցված չէի, բայց ունեի ընդդիմադիր դիրքորոշում և երբ ընկերներիս հետ քննարկում էինք այդ որոշումը, կարծիքները միանշանակ էին, որ այդ ինքնաթիռը ներկայացնում է նաև Հայաստանը և անվտանգության տեսանկյունից ավելի ապահով է՝ անկախ նրանից, թե ինչ վերաբերմունք ունեինք երկրի առաջին դեմքերի վերաբերյալ:

Հիմա կառավարությունը որոշել է փոխարինել A319-ը նոր, ավելի ապահով, երկարաթռիչք ինքնաթիռով, որով թռնում են ոչ միայն վարչապետը, նախագահը և պատվիրակության անդամները, այլ նաև այն լրագրողները, որոնք լուսաբանում են տվյալ այցը:

Հ. Գ. Տվյալ ինքնաթիռը ՀՀ սեփականությունն է, այլ ոչ՝ կոնկրետ անձի»: