«Մերժված ղեկավարին չեմ ուզում մեկնաբանել». Արայիկ Հարությունյան

«Կտրուկ շրջադարձեր կարծում եմ՝ տեսել եք Սերժ Սարգսյանի կառավարման տարիներին: Տեսել եք, թե համակարգն ինչպես է շուռ եկել այդ կտրուկ շրջադարձերի ժամանակ: Այս իշխանությունն ու մեր կառավարությունը հավատարիմ են իր հեղափոխական գաղափարներին և այդ ուղղությամբ շարունակվում է աշխատանքը: Մնացածը կարող եք իրենից հարցնել: Այսքանից ավելի մերժված ղեկավարին չեմ ուզում մեկնաբանել». նման պատասխան տվեց ԿԳՄՍ նախարար Արայիկ Հարությունյանը՝ այն հարց- դիտարկմանը, թե ՀՀ նախկին նախագահ Սերժ Սարգսյանի խոսքերն իրենց ուղղված քննադատություն չի՞ համարում:

Հիշեցնենք՝ Սերժ Սարգսյանն ասել էր. «Վախենում եմ անպատասխանատու պոպուլիստների՝ մեր հայրենիքի համար կործանարար քաղաքականությունից: Միայն կատարյալ հիմարը չի ոչ մի բանից վախենում: Իմ կարծիքով՝ վախկոտ են համարվում այն մարդիկ, ովքեր ինչ-որ ազդեցությունների հետևանքով հաճախ փոխում են իրենց որոշումները: Ես որոշում փոխող չեմ և երբեք չեմ փոխել իմ որոշումը»: