«Ուզում ենք ձևավորված բարեկիրթ ԱԺ-ին բարեկիրթ ձևով ներկայացնել մեր հարցերը»․ Անաստաս Իսրայելյան

«Ուզում ենք հանդիպել ԱԺ բոլոր խմբակցությունների հետ, ձևավորված բարեկիրթ ԱԺ-ին ուզում ենք բարեկիրթ ձևով ներկայացնել մեր հարցերը ու պահանջել բարեկիթ որոշումներ կայացնել»,- ԱԺ դիմաց արցախցիների ակցիայի ժամանակ լրագրողների հետ զրույցում ասել է ակցիայի կազմակերպիչ, «Վերածնվող Արցախ» շարժման ղեկավար Անաստաս Իսրայելյանը։
Լրագրողի հարցին, թե արդյոք ՔՊ խմբակցությունը համաձայն կլինի հանդիպել իրենց հետ, արցախցի գործիչը պատասխանել է․ «Ես խոչընդոտ չեմ տեսնում դրա հետ կապված։ Եթե իրականում արցախահայության մասին մտածում են, եթե իրական են արցախահայերին անվանում «քույրեր և եղբայրներ», եթե շահագրգռված են, որ արցախահայությունը մնա մայր Հայաստանում, ապա ես խնդիր չեմ տեսնում։ Սրանք այն հարցերն են, որոնք այս երկրում պետք է լուծվեն, իսկ այս երկրի այօրվա պատասխանատու ղեկավարներն հենց ՔՊ անդամներն են»։

Նշենք, որ Անաստաս Իսրայելյանը ԱԺ ներկայացուցչին ներկայացրել է իրենց պահանջը։