«Հայաստան» համահայկական հիմնադրամի տնօրենի աշխատավարձը 1,088,000.00 ՀՀ դրամ է

1097

Երեքշաբթի, 03 դեկտեմբերի, 2019 թ., 12:40

2019-ի մայիսի 13-ին MAMUL.am-ը հարցում էր ուղարկել «Հայաստան» համահայկական հիմնադրամին և խնդրել ներկայացնել, թե որքա՞ն է կազմում հիմնադրամի գործադիր տնօրենի և աշխատակիցների աշխատավարձերի չափը: 7 ամիս շարունակ հիմնադրամը չէր արձագանքում հարցմանը։

Երեկ խմբագրությունը կրկին դիմեց հիմնադրամին:

Ի վերջո, մեզ հաջողվեց ստանալ հարցման մի քանի կետերի պատասխան։ Այսպիսով, հիմնադրամի տնօրենի աշխատավարձը կազմում է 1,088,000.00 ՀՀ դրամ և որ հիմնադրամում աշխատակիցների թիվը 29 է։ Սակայն, հիմնադրամի տնօրինությունն այդպես էլ չտրամադրեց տեղեկատվություն այն մասին, թե որքան է աշխատակիցների աշխատավարձերի նվազագույն ու միջին չափը։ Չստացանք նաև տեղեկություն այն մասին, թե որքա՞ն է կազմում հիմնադրամի բոլոր աշխատակիցների ամսական աշխատավարձի չափը միասին։

Հիշեցնենք, որ 2018-ի հոկտեմբերից «Հայաստան» համահայկական հիմնադրամի գործադիր տնօրենի պաշտոնն զբաղեցնում է Հայկակ Արշամյանը: