Կիրակի, 05 ապրիլի, 2026 թ.
|
Ստեփանակերտում`   +13 °C

«Այսքան քիչ ծառայողական ավտոմեքենա ՀՀ-ում երբեք չի եղել». Նիկոլ Փաշինյան

«Այսքան քիչ ծառայողական ավտոմեքենա ՀՀ-ում երբեք չի եղել». Նիկոլ Փաշինյան
561
Հինգշաբթի, 19 դեկտեմբերի, 2019 թ., 14:55

ՀՀ վարչապետ Նիկոլ Փաշինյանը ֆեյսբուքյան իր էջում գրել է. «Մի շարք հարգելի օգտատերեր այս օրերին շրջանառում են տարիներ առաջ ԱԺ-ում ունեցած իմ ելույթը՝ Դանիայի ծառայողական մեքենաների մասին և հարցադրում են անում՝ հիշո՞ւմ ես այս ելույթդ:

Ոչ միայն հիշում եմ, այլև հեղափոխությունից հետո Հայաստանում ծառայողական ավտոմեքենաների թիվը կրճատվել է 448-ով:

Հիմա Հայաստանը ծառայողական մեքենաների թվով պատմական ամենացածր մակարդակի վրա է: Եվ այս պրոցեսը շարունակվում է: Այսքան քիչ ծառայողական ավտոմեքենա Հայաստանի Հանրապետությունում երբեք չի եղել: Համենայդեպս՝ վերջին 20 տարում: Ու մենք խնդիր ենք դրել անընդհատ գերազանցել մեր իսկ ռեկորդը»: