Երեքշաբթի, 03 փետրվարի, 2026 թ.
|
Ստեփանակերտում`   +11 °C

Եվրոպական տերությունները կոչ են անում զսպվածության Մերձավոր Արևելքում

Եվրոպական տերությունները կոչ են անում զսպվածության Մերձավոր Արևելքում
448
Երեքշաբթի, 07 հունվարի, 2020 թ., 16:30

Մեծ Բրիտանիան, Ֆրանսիան ու Գերմանիան միասնաբար կոչ են արել Մերձավարո Արևելքում լարվածությանը մասնակից բոլոր կողմերին զսպվածություն ցուցաբերել՝ ընդգծելով, որ առաջնային խնդիրը լարվածության նվազումն է
Կիրակի Մեծ Բրիտանիայի վարչապետ Բորիս Ջոնսոնը, Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելը համատեղ հայտարարությամբ հանդես եկան, ուր Մերձավոր Արևելքում ստեղծված իրավիճակի բոլոր կողմերին կոչ արեցին զսպվածություն ցուցաբերել և միասին աշխատել՝ լարվածությունը մեղմելու համար՝ Իրանի բարձրաստիճան հրամանատար Քասեմ Սոլեյմանիի սպանությունից հետո ԱՄՆ-ի նպատակային օդային հարձակման հետևանքով:

Հայտարարության մեջ նաև ասվում է, որ Մեծ Բրիտանիան, Ֆրանսիան և Գերմանիան պատրաստ են երկխոսություն վարել կողմերի հետ՝ հակամարտության խորացումից խուսափելու և Մերձավոր Արևելքում կայունությունը վերականգնելու համար:

Ի պատասխան Իրանի՝ կիրակի օրվա հայտարարությանը, ըստ որի, վերջինս դադարեցնում է 2015 թվականի միջուկային համաձայնագրոով ստանձնած պարտավորությունների կատարումը, եվրոպական երեք երկրներ պահանջել են, որ Իրանը չհրաժարվի որևէ պարագայում պայմանագրից և շարունակի կատարել այն՝ համաձայն ստանձնած պարտավորությունների:

Հայտարարության մեջ նաև ասվում է, որ նրանք հավատարիմ կմնան ծայրահեղական կառույցների դեմ պայքարին և կպահպանեն նրանց դեմ միջազգային դաշինքները: Այս հայտարարությանը նախորդել էր կիրակի Իրաքի խորհրդարանի ընդունած օրինագիծը, որով Բաղդադը պահանջում էր վերացնել օտարերկրյա ուժերի ներկայությունն Իրաքում: Եվրոպական երեք երկրները կոչ են արել Իրաքի կառավարությանը շարունակել անհրաժեշտ օգնության ցուցաբերումը միջազգային դաշինքին, այս մասին հայտնում է «Ամերիկայի ձայն»-ը: