«Ազգային ժողովի դահլիճը մարտադաշտ չէ»․ Սենոր Հասրաթյան

Արցախի ՊԲ նախկին խոսնակ Սենոր Հասրաթյանը գրել է․ «Ազգային ժողովի դահլիճը մարտադաշտ չէ։ Այնտեղ քաղաքական գործիչը, մանավանդ, եթե իշխող խմբակցությունից է, գտնվում է իր քաղաքական թիմի, անվտանգության աշխատակիցների, պետական ինստիտուտների և իրավական պաշտպանության ներքո։ Այդ պայմաններում հակառակորդին մարտահրավեր նետելը շատ ավելի հեշտ է, քան իրական մարտադաշտում։
Որովհետև մարտադաշտում սխալ որոշման գինը կարող է լինել սեփական կյանքը...
Երբ մարդն իրեն զգում է մեծամասնության մաս, նրա անհատական անվստահությունը հաճախ փոխարինվում է խմբային ինքնավստահությամբ։ Նա կարող է դառնալ ավելի կտրուկ, ավելի անհանդուրժող և նույնիսկ ավելի ագրեսիվ, քան կլիներ միայնակ։
Երբեմն բարձրագոչ խոսքը, վիրավորական արտահայտություններն ու ցուցադրական կեցվածքը ոչ թե ուժի, այլ սեփական թուլությունը թաքցնելու միջոց են, հավատացե՜ք»։