«Իրանում հայկական կողմի տարածած հայտարարություններից գոհ են». իրանագետներ
828 Չորեքշաբթի, 08 հունվարի, 2020 թ., 14:35 Իրանագետները շարունակում են վերլուծել մերձավորարևելյան իրավիճակը: Հունվարի 8-ին իրանագետ Ահարոն Վարդանյանը նշեց, որ ականատեսն ենք հիբրիդային պատերազմի, երբ 2 երկրներ պատերազմում են մեկ այլ երկրի տարածքում: Մերձավորարևելյան այս իրադարձություններն անշուշտ ազդելու են մեր տարածաշրջանի վրա: «Այս տեսանկյունից որոշակի վտանգ մեզ էլ է սպառնում, մանավանդ երբ մի փոքր հետ գնանք և հիշենք այն տեսագրությունը, երբ իրանական կողմից հայտարարվեց, որ իրանական հակահետախուզությունը բացահայտում էր ամերիկյան հետախուզության որոշակի գործունեություն մեր երկրում: Այս ամենը հաշվի առնելով՝ հայկական կողմը պետք է շատ զգույշ լինի, զգույշ լինելով հանդերձ՝ վարի նախաձեռնողական քաղաքականություն, խորհրդակցություններ ունենա տարածաշրջանային երկրների հետ տարբեր մակարդակներով, տարբեր ձևաչափերով և կարողանա ստեղծված իրավիչակից ելք գտնել»,- ասաց իրանագետ Ա. Վարդանյանը: Նրա գործընկեր իրանագետ Գարիկ Միսակյանն էլ հավելեց, որ Պարսից ծոցում ծավալվող իրադարձությունները կարող են լարվածություն առաջացնել նաև տնտեսության ոլորտում: «Հարձակման առաջին իսկ րոպեներից սկսեց նավթի թանկացումը, և միջազգային բորսաներում այդ խնդիրն առկա էր»,- նկատեց Գ.Միսակյանը: Իրանագետների կարծիքով՝ հայկական կողմը չպետք է ԱՄՆ-Իրան հակամարտության մեջ ակնհայտորեն կողմերից մեկի պաշտպանությամբ հանդես գա: «Իրանական լրատվամիջոցներին հետևելով նկատել եմ, որ հայկական կողմի տարածած հայտարարություններից գոհ են: Այնտեղ ապահովվել է բավական դրական հայկական ֆոն»,- ասաց Ա. Վարդանյանը: Նա արձանագրեց, որ այստեղ առկա է մի աննախադեպ երևույթ: «Սպանության մասին հայտնեց ամերիկյան կողմը, ինչն աննախադեպ երևույթ է, երբ մի երկրի ղեկավարություն հայտարարում է այլ երկրի բարձրաստիճան պաշտոնյայի՝ երրորդ երկրի տարածքում սպանության մասին՝ առանց 3-րդ երկրի ռազմական ղեկավարության թույլտվությունն ունենալու»: Լարվածությունը չի հանգեցնի 3-րդ համաշխարհային պատերազմին: Պարզապես կարող է տեղի ունենալ բախումների ընդլայնում: Դրանք կարող են տեղի ունենալ ոչ միայն Իրաքի տարածքում, այլև Սիրիայում և Լիբանանում, մերձավորարևելյան ցանկացած երկրում: |
«Փաշինյանը խոստովանել է, թե ինչու է ականազերծման աշխատանքների հրաման տվել». Տիգրան Աբրահամյան
13202:18«Եթե քաղաքական լուծումներ չգտնվեն, կարող է ծայրահեղ վտանգավոր իրավիճակ ստեղծվել». քաղաքագետ
150Երեկ, 17:24«Մենք երբեք չենք մոռացել 4 գյուղերի հարցը»․ Ալիև
289Երեկ, 16:54«Վտանգավոր 2 թեզ, որ շրջանառության մեջ են դրել իշխանության դրածոները». Արմեն Հայրապետյան
139Երեկ, 16:48«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
118Երեկ, 16:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
116Երեկ, 16:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
269Երեկ, 16:00«Երկու երկրների ղեկավարները քննարկել են Ադրբեջանի և Հայաստանի միջև խաղաղության պայմանագրի շուրջ բանակցությունները»․ Հաջիև
225Երեկ, 15:48