«Եվ այս բոլորը Պուտին-Էրդողան ցիկլային գազա-մեղրամսի ֆոնին». Լևոն Շիրինյան

Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Հայրենակի՛ց.
ամերիկա-իրանական հակամարտության, մեզ համար կենսական, ֆոնին պարտավոր ենք հասկանալու բազմաշերտ երևույթի խորքը.
նախագահ Թրամփը հայտարարեց, որ Իրանը (ինչքան հիշում եմ) զիջումների է գնում. դա հակամարտության դե'էսկալացիան է:
Ուշադիր եղեք. ցուցադրված վճռականությունը հարևանցիորեն ուղղված է ԱՄՆ-ի հետ վեճի բռնված Թուրքիայի և վերջին շրջանում ԽՍՀՄ վերականգնելու ախորժակներ ցուցադրող, բայց պատժամիջոցների արդյունքները ակամա մարսող, Ռուսաստանի դեմ. Հայտնի տարբերակով. «աղջիկ քեզ կասեմ, հարս դու հասկացիր»:
Եվ այս բոլորը Պուտին-Էրդողան ցիկլային գազա-մեղրամիսի ֆոնին:
Որևէ տարբերակով ԽՍՀՄ չի լինելու. հիշեք հայտնի գեոստրատեգ Զբ. Բժեզինսկու հանձնարարականը. ԱՄՆ-Իրան հակամարտությունը, այդուհանդերձ, մարտավարական է»: