«Դատարանը կողմնակալ է և հակված է իշխանություններին հաճո որոշում կայացնելու». Քոչարյանի պաշտպաններ
633 Ուրբաթ, 31 հունվարի, 2020 թ., 11:30 Վերաքննիչ քրեական դատարանը՝ Արմեն Դանիելյանի նախագահությամբ հունվարի 31-ին քննեց ՀՀ երկրորդ նախագահ Ռոբերտ Քոչարյանի պաշտպաններին Մարտի 1-ի ամբողջական նյութերի տրամադրման դեմ Դատախազության բերած բողոքը: Դատախազությունը բողոքարկել էր Մարտի 1-ի մայր գործով բոլոր նյութերը տրամադրելու մասին Առաջին ատյանի դատարանի որոշումը։ Նիստում Ռ. Քոչարյանի պաշտպաններն ինքնաբացարկի միջնորդություն ներկայացրին դատավոր Արմեն Դանիելյանին: Ինչպես նշեց Հ. Խուդոյանը, դատավորը թույլ է տվել դատավարական խախտումներով, ուստի՝ չի կարող արդար լինել: Ըստ պաշտպանների՝ «դատավոր Ա. Դանիելյանը կայացրել է Քոչարյանին կալանավորելու որոշում, կողմնակալ է և հակված է իշխանություններին հաճո որոշում կայացնելու»: Այնուհետ անդրադառնալով ներկայացված բողոքին՝ Հ. Խուդոյանը նկատեց. «Մենք գործ ունենք մի բողոքի հետ, որը ոչ միայն իմ վստահորդի շահերին է վերաբերում, այլև ներկայացնում է ընդհանուր հանրային շահը: Մենք խոսում ենք մի բողոքի մասին, որ շրջանակներում պարզ է դառնալու՝ ՀՀ-ն՝ ի դեմս դատախազության, ՀՔԾ-ի և դատարանների, շահագրգռվա՞ծ է Մարտի 1-ի գործով ամբողջական ու անաչառ քննություն իրականացնել, թե՞ այդ քննությունը պետք է ուղղորդված լինի»,- ասաց պաշտպանը: Քոչարյանի պաշտպանները դատախազության ներկայացրած բողոքը ոչ իրավաչափ որակեցին: Ինքնաբացարկին առարկեց մեղադրող կողմը: Դատախազ Պետրոսյանը նշեց, որ պաշտպանական կողմը խնդիր է դրել ի սկզբանե կանխակալ վերաբերմունք ձևավորել դատարանի նկատմամբ: «Սա ուղղակի սադրանք էր՝ ուղղված դատարանին»,-հայտարարեց նա: Դատական նիստն ընդմիջվեց: Դատավոր Արմեն Դանիելյանն իրեն ներկայացված ինքնաբացարկի վերաբերյալ վճիռը կհրապարակի փետրվարի 3-ին: |
Վիճաբանություն՝ ծառահատման ժամանակ (տեսանյութ)
7216:18«Ադրբեջանում հայտնված 80 զինծառայողների ճակատագիրն անհայտ է»․ Սիրանուշ Սահակյան (տեսանյութ)
7215:48«Ամոթ նրանց, ովքեր նման խուզարկումների որոշումներ են կայացնում»․ Մարատ Եգանյան (տեսանյութ)
9115:24«Իսկ այլ երկրում Արցախի վտարանդի կառավարություն կարո՞ղ է գոյություն ունենալ»․ Տիգրան Պետրոսյան
13215:00Տաջիկստանում Crocus-ի գործով 9 մարդ է ձերբակալվել
14414:48«Իմ դիմումի հիման վրա քրեական վարույթ է նախաձեռնվել»․ Թագուհի Թովմասյան
8014:36«Նիկոլի օրոք հանրության կողմից չկա պայքար»․ Նաիրի Հոխիկյան
8114:00«Հենց նոր ավարտեցին տանս խուզարկությունը»․ Արա Պապյան
12011:36