ՀՀԿ-ն հայտարարություն է տարածել
![]() 608 Ուրբաթ, 14 փետրվարի, 2020 թ., 10:15 ՀՀԿ գործադիր մարմինը հայտարարություն է տարածել. «Հայաստանի Հանրապետական կուսակցությունը կրկին արձանագրում է, որ ապրիլի 5-ին նշանակված հանրաքվեն հակասահմանդրական է, հակաիրավական և հակաժողովրդավարական: Հանրաքվե նախաձեռնելու ողջ գործընթացը՝ իր բովանդակությամբ և ընթացակարգով, կոպտորեն հակասում է ՀՀ Սահմանադրությանը և «Ազգային ժողովի կանոնակարգ» սահմանադրական օրենքին, իսկ հարցի քաղաքական ենթատեքստը որևէ աղերս չունի իրավական պետություն կառուցելու և ժողովրդավարությունը ամրապնդելու ուղենիշների հետ: Այս արկածախնդրության միակ նպատակը հլու-հնազանդ Սահմանադրական դատարան ունենալն է, ինչը ոչ միայն չի լուծելու Հայաստանի Հանրապետության քաղաքացիների առջև ծառացած բազմաթիվ իրական խնդիրները, այլև պետականությունը քանդելու հերթական քայլն է: Հանրաքվեի օրակարգը կործանիչ է: Այն հանրությանն առավել կարևոր խնդիրներից շեղելու և իշխանության արձանագրած ձախողումները թաքցնելու առիթ է: Մենք, արձանագրելով վերոգրյալը և չցանկանալով մասնակից դառնալ Նիկոլ Փաշինյանի և իր քաղաքական թիմի կողմից հասարակությունը կրկին պառակտելու կործանարար գործընթացին, հայտարարում ենք մեր որոշումը հակասահմանդրական հանրաքվեի քարոզարշավին որևէ ձևով չմասնակցելու վերաբերյալ: Միաժամանակ ցավով ահազանգում ենք, որ միջազգային հանրության արձագանքը վկայում է, որ այս գործընթացը հարիր չէ Եվրոպայի Խորհրդի անդամ պետությանը, վնասում է Հայաստանի Հանրապետության միջազգային հեղինակությանը, ինչի հետևանքները ծանր կլինեն երկրի ազգային օրակարգի առաջխաղացման և տարածաշրջանային մարտահրավերների սրացման համատեքստում, ինչպես նաև թուլացնելու են Հայաստանի դիրքերը Արցախյան բանակցություններում»: |
«Ռեկտորին ասել են՝ կամ դու ես գնում կամ էլ Անուշավան Սրբազանը չպետք է դեկան լինի»․ Միհրան Հակոբյան
1810:30«Միանգամից չեն ուզում ի ցույց դնել թուրքական գորշ գայլի ականջները»․ Վահե Սարգսյան
9410:12Գորիսում մեկնարկել է ՔՊ-ի քաղաքական ժողովը
7410:06«Քաղաքական փոփոխություններ են պետք, ու շատ արագ»․ Սուրեն Սուրենյանց
6609:48Բոլոր թաղապետարաններին հրահանգ են իջեցրել․ «Հրապարակ»
12909:36Ճգնաժամ՝ Նիկոլ Փաշինյանի խոստացած ապագայի շուրջ․ «Ժողովուրդ»
12409:25Երկու տողանոց կենսագրություն ունեցող Հակոբ Արշակյանը «դաչա» է գնել. «Ժողովուրդ»
13309:18ՔՊ-ն նոր կարգախոս է փնտրում. «Հրապարակ»
12309:12