Շաբաթ, 18 հոկտեմբերի, 2025 թ.
|
Ստեփանակերտում`   +13 °C

«Զինվորը գրքից կարևոր է. մեր երեխաները հավի ճուտ չէին». սևազգեստ մայրերի բողոքի ակցիան

«Զինվորը գրքից կարևոր է. մեր երեխաները հավի ճուտ չէին». սևազգեստ մայրերի բողոքի ակցիան
408
Հինգշաբթի, 20 փետրվարի, 2020 թ., 12:10

Կառավարության շենքի մոտ փետրվարի 20-ին բողոքի ակցիա են իրականացնում խաղաղ պայմաններում զոհված զինծառայողների ծնողներն ու հարազատները: Նրանք պահանջում են, որ իրենց ընդունի վարչապետ Նիկոլ Փաշինյանը և հանդիպմանը ներկա լինեն Գլխավոր դատախազը, Քննչական կոմիտեի նախագահը, Պաշտպանության նախարարը:

«Զինվորը գրքից կարևոր է, մեր երեխաները հավի ճուտ չէին, որ սպանվեցին: Այս բոլոր սպանությունները սպաների գլխավորությամբ է լինում: Թող չասեն՝ զինվորն է զինվորին սպանել»,- ասաց զոհված զինվորներից մեկի մայրը:

Նրանց մոտեցավ ԱԺ փոխնախագահ Ալեն Սիմոնյանը, լսեց պահանջը և ասաց. «Ինձնից հասնում է փոխանցել, կփոխանցեմ»: