Կա դիմակների դեֆիցիտ. ինչո՞ւ Հայաստանում չկա դիմակների գործարան

«Աշխարհի շատ երկրներում այս պահին կա դիմակների դեֆիցիտ, Հայաստանում էլ կա»,- մամլո ասուլիսի ժամանակ ասաց Արսեն Թորոսյանը: Այս հարցի հիմնական լուծումն, ըստ նրա, արտադրողները պետք է տան: «Պետք է դիմակ արտադրողներն իրենց արտադրությունը հզորացնեն, մենք մեր դիմակների պաշարներն ունենք, որոնք ուղղվում են բուժաշխատողներին»,- ասաց նա:

Նա նշեց, որ հնարավոր է՝ Հայաստանում դիմակների գործարան բացվի: «Հայաստանում ինչո՞ւ դիմակ չի արտադրվել, որովհետև այդ արտադրության ծավալները շատ մեծ են, այնինչ իրացման ծավալը փոքր է, եթե վարակի այսպիսի բռնկումներ չեն լինում: Կան գործարարներ, որոնք մտադրություն ունեն դիմակների գործարան բացելու, բայց նաև մտավախություն ունեն, որ արտադրանքը չեն կարողանա իրացնել»,- ասաց նա:

Ավելի վաղ հայտնել էինք, որ Երևանի դեղատներում սպառվել են դիմակները: