«#COVID_19 կորոնավիրուսի շուրջ վիճակը լուրջ է, բայց ծանր չէ». Արմեն Մուրադյան

Առողջապահության նախկին նախարար, Բժշկական համալսարանի ռեկտոր Արմեն Մուրադյանը Factor TV-ի եթերում անդրադարձել է կորոնավիրուսի վերաբերյալ Հայաստանում տիրող իրավիճակին:

«Կորոնավիրուսից ավելի մեծ վտանգ է հենց խուճապը, և երբևէ անհրաժեշտություն, հիմքեր խուճապի չեմ տեսնում, որովհետև այո՛, վիճակը լուրջ է, բայց ծանր չէ, առավել ևս՝ խուճապի մատնվելու որևէ հիմք չկա, հարցով զբաղվում են պրոֆեսիոնալներ՝ Հիվանդությունների վերահսկման կենտրոնը՝ Արտավազդ Վանյանի նախագահությամբ, մարդիկ, որոնք ունեն հսկայական փորձ՝ պրոֆեսիոնալիզմ և, համոզված եմ, իրենց գործելակերպը լրիվ հիմնավորված է»,- ասել է նա:

Անդրադառնալով հարևան երկրների հետ սահմանային վիճակին՝ Մուրադյանն ասել է. «Սահմանների փակմումը, ես կարծում եմ՝ ժամանակին և հաշվարկված որոշում է, սակայն դեպքի առկայությունը ՀՀ-ում նշանակում է, որ միայն սահման փակելով մենք չենք կարող երաշխավորված լինել, որ դեպքեր չեն լինելու։ Ֆիզիկապես տարանջատվելը գործիքակազմի մի մասն է, որ կիրառվեց ժամանակին»:

Մանրամասները՝ տեսանյութում: