«Տպավորություն էր ստացվում, որ մեկ անգամ են միայն թեստավորել առողջացած հիվանդին». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «Ըստ վարչապետի ԱԺ-ում ասված խոսքի՝ ոմանց մոտ, այդ թվում և իմ, տպավորություն էր ստացվում, որ մեկ անգամ են միայն թեստավորել առողջացած հիվանդին: Արսեն Թորոսյանի մի գրառումից հստակ է, որ իրականում երկու անգամ են թեստավորում, ինչպես որ միջազգային կարգն է:

Ելնելով այդ հանգամանքից՝ նախկին գրառումս, որ համեմատում էր ամերիկյան և հայաստանյան թեստավորման քանակների հանգամանքը, հեռացրեցի:

Արձանագրում ենք, որ Հայաստանում առողջացած հիվանդներին թեստավորում են երկու անգամ, ինչպես որ կարգն է և նոր են դուրս գրում:

Եվս մեկ ապացույց, որ ստեղծված իրավիճակում Առողջապահության նախարարությունը ֆունկցիոնալ առումով առայժմ լավ է աշխատում, իսկ առողջապահական քաղաքականությունը և ճգնաժամի կառավարումը Հայաստանում կառավարության և ղեկավարության կողմից՝ վարվում են խայտառակ վատ»: