Կիրակի, 21 դեկտեմբերի, 2025 թ.
|
Ստեփանակերտում`   +2 °C

Ուղիղ միացում ԱԺ-ից․ քննարկվում է արտակարգ դրության ռեժիմը խախտողների համար պատիժ սահմանող փաթեթը

Ուղիղ միացում ԱԺ-ից․ քննարկվում է արտակարգ դրության ռեժիմը խախտողների համար պատիժ սահմանող փաթեթը
913
Երկուշաբթի, 23 մարտի, 2020 թ., 11:00

Խորհրդարանը երկրորդ ընթերցմամբ քննարկում է «ՀՀ քրեական օրենսգրքում լրացում կատարելու մասին» և «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» օրենքների նախագծերի փաթեթը:

Հիշեցնենք՝ արտահերթ նախորդ նիստում Արդարադատության նախարարի տեղակալ Վահե Դանիելյանը փաթեթի մշակման և ընդունման անհրաժեշտությունը պայմանավորել էր երկրում հայտարարված արտակարգ դրությամբ: Նախագծերով առաջարկվում է արտակարգ դրության ժամանակ մեկուսացման կամ ինքնամեկուսացման պահանջները խախտելու դեպքում սահմանել վարչական պատասխանատվություն՝ սահմանված նվազագույն աշխատավարձի երեքհարյուրապատիկից մինչև հինգհարյուրապատիկի չափով: Մեկուսացման կամ ինքնամեկուսացման պահանջները խախտելը, որն անզգուշությամբ առաջացրել է մարդկանց զանգվածային հիվանդացում, պատժվում է կալանքով մինչ 3 ամիս ժամկետով կամ ազատազրկմամբ առավելագույնը 5 տարի ժամկետով:

Նախատեսված լրացմամբ ֆիզիկական և իրավաբանական անձանց կողմից արտակարգ դրության ժամանակ սահմանված տեղեկությունների հրապարակման կամ տարածման սահմանափակումները խախտելը կառաջացնի տուգանքի նշանակում նվազագույն աշխատավարձի հիսունապատիկից մինչև երեքհարյուրապատիկի չափով:

ԱԺ «Լուսավոր Հայաստան» խմբակցության անունից ելույթ էր ունեցել Էդմոն Մարուքյանը: Ըստ խմբակցության ղեկավարի՝ անհրաժեշտ է պարզաբանել, թե կոնկրետ ինչն է խուճապ առաջացնում: Նա ներկայացրել էր այն երկրների ցանկը, որտեղ արտակարգ դրության ժամանակ գրաքննություն չկա: Էդմոն Մարուքյանը բարձրացրել էր վարկառուների հարցը, ովքեր հայտնվել են անհաղթահարելի իրավիճակում: Նա նշել էր, որ օրինագիծն իրավական կարգավորումների կարիք ունի, ուստի խմբակցությունը կներկայացնի գրավոր առաջարկներ:

Ուղիղ միացում Ազգային ժողովից