Ուրբաթ, 29 մայիսի, 2020 թ.
|
Ստեփանակերտում`   +20 °C

#Apple-ը կտրուկ բարձրացրել է գները

#Apple-ը կտրուկ բարձրացրել է գները
316
Չորեքշաբթի, 25 մարտի, 2020 թ., 23:25

Apple-ը զգալիորեն բարձրացրել է բարելավման ծրագրերի և իր սարքերում լրացուցիչ կարգավորումների արժեքները, հաղորդել է MacRumors պորտալը:

Լրագրողները նշել են, որ գների բարձրացումը հիմնականում եղել է համակարգիչների լավագույն տարբերակների համար, օրինակ՝ MacBook Pro, iMac, iMac Pro և Mac mini: Կանադայի, Ավստրալիայի, ինչպես նաև եվրոպական և Ասիայի մի շարք երկրներում արտադրանքի գները բարձրացել են միջինը տասը տոկոսով:
Միջին հաշվով Apple-ի խանութ-սրահներում համակարգչի արդիականացման արժեքն աճել է մոտ հարյուր ֆունտով:
Հրապարակման հեղինակները նշել են, որ Apple-ի արտադրանքի հիմնական տարբերակների արժեքը չի փոխվել: Գների թանկացման ճշգրիտ պատճառն անհայտ է, բայց լրագրողները գների բարձրացումը վերագրում են արտարժույթի տատանումներին, մատակարարումների սահմանափակմանը և չինական ընկերություններում աշխատուժի պակասին: