Ուրբաթ, 20 նոյեմբերի, 2026 թ.
|
Ստեփանակերտում`   +7 °C

ՀՀ 27 քաղաքացիներ հրաժարվել են տեղափոխվել հյուրատներ․ դեսպանություն

ՀՀ 27 քաղաքացիներ հրաժարվել են տեղափոխվել հյուրատներ․ դեսպանություն
1396
Երկուշաբթի, 27 ապրիլի, 2020 թ., 12:15

ՌԴ-ում ՀՀ դեսպանությունը հաղորդագրություն է տարածել. «Հայտնում ենք, որ «Դոմոդեդովո» օդանավակայանում նախորդ օրվանից գտնվում է ՀՀ 27 քաղաքացի։

Վերջիններս չեն ցանկացել հետևել օդանավակայանում չգտնվելու շուրջ դեսպանության հորդորներին և հրաժարվել են հյուրատներ ու ժամանակավոր կացարաններ տեղափոխվելու հնարավորություններից։

Միևնույն ժամանակ դեսպանությունը քաղաքացիներին տեղեկացրել է հնարավոր չվերթի սպասողների համար համապատասխան կարգով ցուցակագրում անցնելու անհրաժեշտության մասին՝ խնդրելով հարգել դեսպանությունում արդեն իսկ ցուցակագրված այն քաղաքացիներին, ովքեր, դրսևորելով համբերատարություն, սպասում են հնարավոր առաջիկա չվերթով Հայաստան վերադառնալու իրենց հերթին։

Տեղեկացնում ենք նաև, որ որևէ քաղաքացի, այդ թվում՝ օդանավակայանում գտնվող, չի կարող օգտվել Հայաստան մեկնելու հնարավորությունից՝ խախտելով արդեն իսկ հրապարակված ցուցակների հերթականությունը»: