Աշխարհում #COVID_19 կորոնավիրուսից 55 լրագրող է մահացել

1685

Շաբաթ, 02 մայիսի, 2020 թ., 16:15

PressEmblemCampaign (PEC) անկախ լրատվական կազմակերպությունը, որը զբաղվում է լրատվամիջոցների աշխատողների անվտանգության ապահովմամբ, ներկայացրել է կորոնավիրուսի համաճարակի հետևանքով զոհված լրագրողների թիվը: Ըստ կազմակերպության տվյալների՝ 23 երկրներում մահացել է 55 լրագրող, գրում է РИА Новости-ն։ Համավարակի ժամանակ լրագրողների անվտանգությունը վտանգված է, քանի որ նրանք այցելում են հիվանդանոցներ՝ հարցազրույց անցկացնելով բժիշկների, բուժքույրերի և հիվանդների հետ: Լրագրողների մեծամասնությունը մահացել է Էկվադորում (9 լրագրող), 8 լրագրող մահացել է Միացյալ Նահանգներում, 4-ը՝ Բրազիլիայում, 3-ը՝ Իսպանիայում և Միացյալ Թագավորությունում: Ռուսաստանում մահացել է մեկ լրագրող։