Շաբաթ, 23 մայիսի, 2026 թ.
|
Ստեփանակերտում`   +19 °C

«Սա ձեր քաղաքական թիմի ամոթն է. ես Սասուն Միքայելյանի թասիբը կպահեմ». Անի Խաչատրյանը՝ «Իմ քայլին»

«Սա ձեր քաղաքական թիմի ամոթն է. ես Սասուն Միքայելյանի թասիբը կպահեմ». Անի Խաչատրյանը՝ «Իմ քայլին»
455
Երեքշաբթի, 26 մայիսի, 2020 թ., 12:45

Երևանի ավագանու այսօրվա նիստում «Իմ քայլը» խմբակցության անդամ Մեսրոպ Պապիկյանն առաջարկեց օրակարգից հանել ԵԿՄ-ին անհատույց օգտագործման իրավունքով գույք տրամադրելու մասին հարցը:

Հարց տալու իրավունք խնդրեց «Լույս» խմբակցության անդամ Անի Խաչատրյանը. «Այն, ինչ հնչեց քիչ առաջ, ինձ համար նվաստացուցիչ է: Ինձ համար դա ամոթ չի, դա ձեր քաղաքական թիմի ամոթն է: Ու դուք էսօր կարողանում եք քննարկել այդ հարցը օրակարգից հանելու հա՞րցը: Նույնիսկ ՀՀԿ-ականները դա չեն արել: Փառք ԵԿՄ-ի հավերժ նախագահ Վազգեն Սարգսյանին, Փառք Եռաբլուրին, ԵԿՄ-ի բոլոր տղաներին»,- ասաց նա՝ հավելելով. «Առաջ ԵԿՄ-ի նախագահը եսիմ ով էր, հիմա ձեր թիմից է, ինչո՞ւ եք կռիվ տալիս․․․ Ես Սասուն Միքայելյանի թասիբը կպահեմ ձեր փոխարեն»:

Այնուհանդերձ՝ հարցը օրակարգից հանելու առաջարկությունը դրվեց քվեարկության. կողմ քվեարկեց ավագանու 17 անդամ, 28-ը դեմ էր, առաջարկը չընդունվեց: